FØRDEHUSET, Utstillingsmonteren, Angedalsvegen 5, Førde. Element frå separatutstilling 2005 (små trekroppar og monterane)og eit pågåande ‹NESLEROTPROSJEKT›, tankeprosessinstallasjon, neslerøter forma, spjelka, limt, hekla, vevd m.m. anna tekstilt materiale. Tid 12. juni – 14. juli. Foto: Øystein Klakegg
‹ALT MITT› er eit kunstprosjekt med tilbakeskodande blikk på kunstnarskapet mitt som tekstilkunstnar frå ca 1990 og fram til i dag; både utprøvingar og ferdige verk. Noko av dette materialet vil dukke opp som fysiske punktpresentasjonar i ulike miljø i Førde. Val av verk vert bestemt med bakgrunn i den aktuelle plassen/situasjonen, og monteringane vil stå i ca 1 månad. ‹Alt mitt›-prosjektet blir fortløpande dokumentert og utdjupa på www.audgunn.no.
Prosjektet ‹Alt mitt› er støtta økonomisk av Sogn og Fjordane Kunstmuseum/Kunstnarsenteret i Sogn og Fjordane sitt produksjonsstipend frå Bildende Kunstnernes Hjelpefond 2023 og Vestland Fylkeskommune sitt kunstnerstipend 2023.